http://repository.enu.kz/handle/enu/32678 Жинаққа әдебиеттанушы-ғалым, білікті ұстаз, әдіскер-оқытушы Байтанасова Қарлығаш Медетқызының 60 жас мерейтойына арналған «Қазақ әдебиетінің әдістемелік және әдіснамалық негіздері» атты республикалық ғылыми-әдістемелік семинар (дөңгелек үстел-диалог) материалдары енгізілді. Жинақ жоғары оқу орнының профессорлық-оқытушылық құрамына, орта білім беру ұйымдарының мұғалімдеріне, докторанттар мен магистранттарға және студенттерге арналған. 2026-05-21T05:02:13Z http://repository.enu.kz/handle/enu/32806 ҚАЗАҚ ЖӘНЕ МОҢҒОЛ ДЕМОНОЛОГИЯСЫНЫҢ ОРТАҚ ҚАБАТЫ ЖӘНЕ ДІНИ ТРАНСФОРМАЦИЯСЫ Сыдық, Зина Сейтжанқызы Мақалада қазақ пен моңғол халықтарының танымындағы демондық бейнелер шығу тегі, діни трансформациясы тұрғысынан қарастырылды Жіктеуімізге негіз ретінде ғалым Сейіт Қасқабасовтың халық прозасын классификациялаудағы хикая жанрына талдауы алынды. Хикаяны халықтық демонологиясы дей келе, осы жанрдың кейіпкерлері – халықтық демондар функция, шығу тегі, мотиві тұрғысынан талданды. Мақалада салыстырмалы типологиялық түрде екі халықтың ортақ байырғы сенімі – шаманизм жүйесіндегі рух-иелік демондар (албасты, сөрел, үббе, жезтырнақ, атаатан, онгон, утга, чөтгөр) сипатталса, кейінгі дәуірде қазақта ислам (шайтан, жын, пері), моңғолда буддизм (дхамапалдар, мара, сахиус, т.б.) ықпалынан енген демондық мақұлықтар талданды. Олардың аталған діндердегі рөлі, орны көрсетілді. Сондай-ақ екі халықтың фольклорындағы зұлым күштердің қастандық жасаудағы ортақ мотивтері аталды. Олардың адамзат қоғамына келтіретін зияндық әрекеттері, құбыжықтық функциясы фольклорлық мәтіндер һәм А. А. Соловьеваның моңғол демонологиясын зерттеудегі Ц. Дамдинсурэннің еңбектерінен талдауы қаралып, сипатталды. 2026-02-11T00:00:00Z http://repository.enu.kz/handle/enu/32805 ЖҮСІПБЕК АЙМАУЫТҰЛЫ ӘҢГІМЕЛЕРІНДЕГІ БАЯНДАУ ЖҮЙЕСІ МЕН КӨРКЕМДІК КЕҢІСТІК Бағзат, Еркежан Мақалада Ж.Аймауытұлының бірқатар әңгімелеріндегі кейіпкер болмысы, кейіпкерлердің көркемдік және психологиялық сипаты жан – жақты талданады. Жазушының идея мен кейіпкер бейнесінің көркемдік мәнін ашу үшін көркемдегіш құралдар мен тәсілдерді қалай, әрі не мақсатта қолданғанына тоқталады. 2026-02-11T00:00:00Z http://repository.enu.kz/handle/enu/32804 БАЛАЛАР ӘДЕБИЕТІНДЕГІ КҮЛКІ ПОЭТИКАСЫ: МАЗАҚТАМА МЕН МӨЛТЕК МЫСАЛДЫҢ ТӘРБИЕЛІК ҚЫЗМЕТІ Құлшар, Бекзат Мнайдарұлы Мақалада қазақ балалар әдебиетіндегі сатираның тәрбиелікэстетикалық қызметі қарастырылады. Негізгі назар мазақтама мен мөлтек мысал жанрларының поэтикалық табиғатына, бала психологиясына ықпал ету тетіктеріне және күлкінің дидактиканы алмастыратын көркемдік мүмкіндіктеріне аударылады. Зерттеу барысында балалар сатирасында мінез кемшіліктерінің (салақтық, жалқаулық, жалтармалық, мақтаншақтық, білімсіздік т.б.) қалайша юмор арқылы әшкереленетіні, шендестіру, антитеза, тосын түйін, тұспал секілді тәсілдердің атқаратын рөлі нақты мәтіндермен талданады. Сондай-ақ сатиралық мәтіннің ықшам формасы мен жеңіл тілі жас оқырман қабылдауына сай келетіні, күлкі арқылы тәрбиелеу балаға қысымсыз әсер ететіні пайымдалады. 2026-02-11T00:00:00Z http://repository.enu.kz/handle/enu/32803 «ҚҰЛАГЕР» ПОЭМАСЫ ЖӘНЕ ҰЛТТЫҚ КОД: ТАРИХИ ТҰЛҒА АҚАН СЕРІНІҢ ВИЗУАЛДЫ-НАРРАТИВТІК БЕЙНЕСІ Бактыгалиева, Эльмира 2026-02-11T00:00:00Z