Жоғары температуралы дәнекерлеу арқылы қалпына келген тетiктердiң тозуға төзiмдiлiгiн зерттеу

Abstract

Түрлi жолдармен қалпына келген тетiктердiң тозуға қарсылығы мен төзiмдiлiгi лабораториялық жағдайда зерттелген болатын. Зерттелiп отырған материалдар ментетiктердiң бетiне өсiрiлген қабаттың үлгiлерiн үйкелу мен сырғанау жағдайында салыстырмалы тозуға төзiмдiлiгi лабораториялық сынау арқылы анықтау, зерттеу жұмыстарын жүргiзудiң мақсаты болып табылады. Үлгiлердiң тозуға төзiмдiлiгiн басқа сыналып отырған материалдар: автоматты АН-348А флюсы астында Нп 30ХГСА сымын балқыту және Нп 30ХГСА сымының дәнекерленген үлгiлерiн салыстыруға Ст. 45 маркалы болаты эталонды үлгi ретiнде таңдалған. Сыналып отырған үлгiлер шынайы жағдайдағыдай майлау жағдайында сыналды. Сынау арнайы қажау машинасымен жасалды, ал тозудың нәтижесi сынаудан кейiн таразымен өлшенiп отырды. Сынау нәтижелерi АН-348А флюсы астында балқытылған Нп 30ХГСА сымы тозуға қарсылығы төмен көрсеткiштерге ие болғанын көрсеттi. Ал РЯЕВ дәнекерiмен Нп 30ХГСА сымы дәнекерленген үлгi Ст. 45 маркалы эталонды болаттан да жоғары тозуға қарсылық көрсеткiштерiмен ерекшелендi. Қорытындылай келе, сынау нәтижелерiне сүйенсек, тозуға қарсылығы жоғары көрсеткiштi дәнекерленген үлгi көрсеттi.