ҚАЗАҚСТАН РЕСПУБЛИКАСЫНДАҒЫ САЛЫҚ ЖҮЙЕСІНІҢ ДАМУ МӘСЕЛЕСІ

Abstract

Тәуелсіз Қазақстан Республикасында нарықтық экономиканы қалыптастырып, оны нығайтудағы басты фактор мемлекеттік бюджет болып табылады. Даму жолында нарықтық экономиканы таңдаған кез-келген мемлекеттің тәуелсіздігі мен тұрақтылығы берік болуы үшін қаржы көзінің болуы міндетті. Мемлекет бюджетіне тұрақты қаржы көзә - салық жүйесі екені белгілі. Сонымен қатар салықтар экономикалық және құқықтық категория ретінде қарама қайшылығы көп, өте күрделі жүйе. Кез-келген өндіріс барысына зор ықпал етіп, сонымен қатар экономика дамуының негізгі факторы болып табылады. Салық - мемлекеттің саясатын, соның ішінде экономикалық саясатытын жүзеге асыру үшін маңызды құрал. Әсіресе бұл басқарудың әкімшіл – әміршіл әдісінен экономиканы мемлекеттік реттеудің нақты тетігі ретінде салықтардың экономикалық процестерге әсері арқылы нарықтық қатынынастарға өтуі барысында айқын көрінеді. Салық салу қазіргі уақытта қоғам дамуының құрамдас бөлігі болып табылады. Салықтар тек фиксалдық функцияға ие емес, әлеуметтік мәселелерді шешуге ықпалын күшейтетін реттеуші функцияға да ие. Бұл функциялардың маңыздылығы салықтан түскен қаржы көздерін халықты қаржылай қолдау құралы ретінде қолданатын дамыған елдердің тәжірибелерімен айқындалады.