ПЭТФ трек мембраналарын метакрил және 2-гидроксиэтилметакрил қышқылдарымен екпелі полимерлеу арқылы модификациялау

Abstract

Электрохимиялық сенсорлар құрастыру барысында трек мембраналарын модификациялауға карбоксильді мономерлер кеңінен қолданылады. Дегенмен, трек мембранасына УК сәулесімен екпелі полимерлеу жүргізу кезінде мономер мен әдістің бірқатар шектеулері бар, мысалы, полимерлену дәрежесінің аз болуы, полимерленген функционалдық топтар концентрациясының мөлшері, мембрананың гидрофильді не гидрофобты қасиеттері, т.б жақсарта алатын мономерлер іздестірілуде. Бұл мақала полиэтилентерефталат негізінде жасалған трек мембраналарды модификациялап, мономер әсерін зерттеуге арналған. Метакрил қышқылы, 2- гидроксиэтилметакрил қышқылы мономерлерімен мембрана бетіне екпелі полимерлену жүргізілді. Екпелі полимерленген мембрана құрамы толуидин көк (TК) арнайы бояғышы арқылы спектрофотометриялық әдіспен және СЭМ, ШЖБ, ИҚ спектроскопиясы көмегімен сипатталып, полимерлену процесінің оңтайлы шарттары анықталды.