Жаңа дәуірдегі медианың психологиялық реттеу функциялары

Abstract

Бүгінгі жеке тұлға – қабылдайтын ақпаратының айнымастай көрінісі. Қолданатын ақпарат көздерін сараптау арқылы оның психологиялық портретін жасауға болады. Адамның рухани және интеллектуалдық деңгейін, кәсібін, әлеуметтік жинақылығын, идеологиялық және саяси көзқарасын зерттеуде медиаларды қолдануға болады. Автор Қазақстанның медиа кеңістігінде медиапсихологиялық әдістер мен факторлардың әртүрлі сипатын, көрінісін талдауға тырысқан. Ол отандық медиадағы психологиялық факторлардың маңызына көңіл аударған. Жаңашыл медиа құралдар өз қызметінде психологиялық тәсілдер мен әдістерді қоғамның дамуына қолдануы тиіс деген пікір айтады. Ұлттық идеяны да медиапсихологиялық жаңа тәсілдермен ұтымды насихаттау үшін саяси технологиялық, психологиялық, лингвистикалық әдістерді зерттеп, методикалық жағынан тексеріп барып қолдану қажет деген тұжырым жасайды.