ӨСКЕМЕН ҚАЛАСЫНДАҒЫ ТОПЫРАҚ ҮЛГІЛЕРІНІҢ ФИТОУЫТТЫЛЫҒЫН БАҒАЛАУ: ӨНЕРКӘСІПТІК ҚЫЗМЕТТІҢ ӨСІМДІКТЕР ДЕНСАУЛЫҒЫ МЕН ҚОРШАҒАН ОРТАҒА ӘСЕРІ

Abstract

Өскемендегі топырақтың ластануы қаладағы өнеркәсіп орындарының қызметімен тығыз байланысты. Металлургия және химия зауыттары топырақ сапасына теріс әсер ететін улы заттар мен қалдықтар шығарындыларының негізгі көзі болып табылады. Мысалы, қорғасын, мырыш және кадмий сияқты ауыр металдардың жоғары концентрациясын осындай зауыттардың жанындағы топырақтан аңғаруға болады. Топыраққа енген бұл заттар онда жиналып, өсімдіктерге, жануарларға және адам денсаулығына теріс әсер ететін қатты ластануға әкелуі мүмкін. Осылайша, өнеркәсіп орындарының қызметі қаладағы экологиялық жағдайды қалыптастыруда шешуші рөл атқарады және топырақтың ластануына себеп болуы мүмкін. Бұл мақалада био-тестілеуді, қолдана отырып, топырақ пен қоршаған ортаның экологиялық жағдайын бағалау әдістері қарастырылады. Өнеркәсіп табиғи ортаға айтарлықтай әсер ететін Өскемен қаласы мен оның айналасының белсенді өнеркәсіптік дамуын ескере қарасақ, экологиялық қауіпсіздік және ластануды бағалау мәселелері бұл аумақта ерекше маңызды болып отыр. Фито-тестілеу топырақтың экологиялық жағдайын бағалау әдістерінің бірі ретінде белгілі бір аймақтағы топырақ сапасын бақылаудың пайдалы құралы бола алады. Фитоуыттылықты түсіну және биотестілеу әдістерін қолдану Өскемен қаласының жергілікті билік органдары мен экологиялық ұйымдарына экологиялық жағдайды жақсарту және тұрғындардың денсаулығын қамтамасыз ету бойынша негізделген шешімдер қабылдауға көмектеседі.