ШАҒЫН ЖӘНЕ ОРТА КӘСІПКЕРЛІКТІ ҚОЛДАУ ШАРАЛАРЫНЫҢ ТИІМДІЛІК АУДИТІ

Abstract

Бұл мақалада еліміздегі шағын және орта бизнестің дамуы, оның ел экономикасына, жергілікті нарыққа әсері және оны мемлекет тарапынан қолдауы бойынша бүгінгі таңда өзекті болып табылатын тақырыптарын ашып көрсетіледі. Зерттеудің мақсаты тақырыпқа сәйкес шағын және орта бизнестің дамуына және оның тиімді қызмет етуіне байланысты өткен жылдардағы көрсеткіштер мен тиімділік аудитінің қорытындыларын қарастыра отырып, жүргізілген талдау мен зерттеу нәтижелерін ұсыну. Еліміздегі жоғары билік өкілдері де кәсіпкерлік бастаманы дамытудың қажеттілігі мен маңыздылығын толық түсінеді. Сол себепті де шағын және орта бизнесті қолдау бойынша жүйелі саясат жүргізілу үстінде. Дегенмен, бұл саясатты қолдау шараларын іске асыру барысында бюджет қаражаттары мен инвестициялардың дұрыс қолданылуы да едәуір маңызды аспект болып табылады. Және сол салада тиімділік аудитін жүргізіп, ол бойынша ұсыныстар жасау орта және шағын кәсіпкерлікке қолдау шараларын жүргізгенде ысырапшылдықтың болуын азайтып, оны іске асыруды біршама жеңілдетеді.