ДӘРІЛІК ӨСІМДІКТЕРДІ ЗЕРТТЕУ БАРЫСЫНДА СТУДЕНТТЕРДІҢ ЗЕРТТЕУШІЛІК ҚҰЗЫРЕТТІЛІГІН ҚАЛЫПТАСТЫРУ

Abstract

Бұл мақалада Қазақстандағы дәрілік өсімдіктерді зерттеу және оларды оқу үдерісіне енгізу қажеттілігі қарастырылды. Сауалнама нәтижелері көрсеткендей, студенттердің 44%-ы дәрілік өсімдіктерді қолданса, 56%-ы оларды пайдаланбайды, бұл олардың “дәрілік өсімдіктер” туралы білімінің шектеулі екенін көрсетеді. Зерттеу барысында студенттердің дәрілік өсімдіктерді тану және пайдалану деңгейі анықталып, ең танымал өсімдіктер ретінде түймедақ, жалбыз және жусан аталды. Сонымен қатар, студенттердің 80%- дан астамы дәрілік өсімдіктер туралы қосымша білім алуға мүдделі екенін білдірді. Осыған байланысты, зерттеу жоғары оқу орындарының оқу бағдарламасына дәрілік өсімдіктер туралы арнайы курстар енгізудің өзектілігін дәлелдеп, химия мамандықтарына арналған оқуәдістемелік кешен әзірлеуге негіз болды. Зерттеу барысында, сауалнама нәтижелерін негізге ала отырып жоғарғы оқу орнының білім алушыларына оқу-әдістемелік кешен әзірленіп, оған сәйкес 15 дәріс тақырыбы қалыптастырылды.