ТЕРЕҢ ОҚЫТУ НЕГІЗІНДЕ ҚОЛЖАЗБА ТАҢБАЛАРЫН ТАНУ ПРОГРАММАЛЫҚ ҚҰРАЛЫН ӘЗІРЛЕУ

Abstract

Қолжазба таңбаларын тану жүйелері дәстүрлі түрде кейбір мәселелерге тап болып келеді. Әсіресе, жазба стилінің әртүрлілігі, түсініксіз қолжазбалар, сондай-ақ әртүрлі қолжазба жазу үлгілері жүйелердің жұмысын қиындататын негізгі факторларға жатады. Бірақ терең оқыту әдістері мен нейрондық желілердің көмегімен бұл мәселелерді жеңу мүмкіндігі айтарлықтай артты. Қазіргі кезде терең оқыту модельдері, әсіресе, жоғарғы дәлдікке ие нейрондық желі (CNN), қолжазба таңбаларын танудың тиімді және дәл шешімін ұсынады. Жұмыстың мақсаты – терең оқыту негізінде қолжазба таңбаларын тану жүйесін әзірлеу. Ұсынылған жүйе әртүрлі цифрлы таңбаларды тану үшін нейрондық желілердің мүмкіндіктерін пайдалана отырып, суреттерді өңдеудің тиімді әдісін ұсынады. Жүйе қадамдық түрде жұмыс істеп, алғашқыда қолжазбаларды сурет түрінде қабылдап, оларды сандық деректерге түрлендіреді, кейіннен әрбір таңба немесе цифрды дәл және тиімді таниды.