КӨПЖАҚТАР ҚИМАЛАРЫН МЕКТЕП ГЕОМЕТРИЯ КУРСЫНДА САЛУ ӘДІСТЕМЕСІ
Аннотации
Бұл мақалада мектеп геометрия курсында көпжақтар қималарын салудың
маңыздылығы мен оны оқытудағы қиындықтар қарастырылады. Ұлттық бағалау
тапсырмаларында бұл тақырып жиі кездескенімен, оқу құралдарында жүйелі әдістер мен
нақты визуалды нұсқаулар жеткіліксіз. Бұл олқылық оқушылардың кеңістіктік ойлау қабілетін
дамытуда кедергі келтіреді. Мақалада көпжақтар қималарының теориялық негіздері, олардың
жіктелуі және көрнекілікке сүйенген әдістемелік тәсіл ұсынылады. Жүргізілген шағын зерттеу
нәтижелері визуалды құралдар арқылы оқыту тәсілінің тиімділігін көрсетеді. Мақала соңында
оқу бағдарламасын әзірлеушілер мен мұғалімдерге арналған нақты ұсыныстар берілген.