PYTHON КОДТАУЫ НЕГІЗІНДЕ ФИЗИКАЛЫҚ ПРЕФИКСТЕРДІ,ТРИГОНОМЕТРИЯЛЫҚ ФУНКЦИЯЛАРДЫ ЖӘНЕ ТҮБІРЛЕРДІ ЕСЕПТЕУГЕ АРНАЛҒАН КӨПФУНКЦИОНАЛДЫ КАЛЬКУЛЯТОРДЫ ӘЗІРЛЕУ
Аннотации
Мақалада Python бағдарламалау тілін қолдану арқылы физикалық есептерді
автоматтандыратын калькулятор құрастыру мәселесі қарастырылады. Бұл құрал физикалық
шамалармен жұмыс істеуді жеңілдетіп, префикстерді (нано, микро, милли, кило, мега және
т.б.), тригонометриялық функцияларды, дәрежелер мен түбірлерді есептеуге мүмкіндік береді.
Калькулятордың веб-нұсқасы Replit платформасында жарияланып, оны кез келген
құрылғыдан пайдалануға болады. 7-9 сынып оқушыларымен жүргізілген тәжірибелік зерттеулер нәтижесінде калькуляторды қолдану есептеу жылдамдығын арттырып, қатемен
жұмыс істеу дағдыларын жақсартатыны анықталды. Сонымен қатар, бұл құрал оқушылардың
физика пәніне деген қызығушылығын арттыруға ықпал етті.