ЗАМАНАУИ БІЛІМ БЕРУДЕ ОҚУШЫЛАРДЫҢ ФУНКЦИОНАЛДЫҚ САУАТТЫЛЫҒЫН ДАМЫТУДЫҢ МАҢЫЗЫ
Аннотации
Функционалдық сауаттылықтың өзегі – адамның күнделікті өмірлік міндеттерді шешу
қабілеті, яғни теориялық білімін практика жүзінде қолданып, нақты шешімдер қабылдау
дағдысы. Жеке тұлғаның функционалдық қасиеттері ретінде бәсекеге қабілеттілік,
шығармашылық ойлау, ақпаратты өз бетімен іздеу және өмір бойы оқуға дайын болу сияқты
дағдылары қалыптасатыны белгілі. Бұл дағдылар білім алушының стандартты емес
шешімдерді қабылдай алуына, болашақта кәсіби траекториясын өзі таңдай алуына және
өзгермелі әлеуметтік жағдайларға бейімделуіне мүмкіндік береді. Әсіресе, мектеп жағдайында
осы дағдыларды дамыту қажеттілігіне баса назар аударылады.
Бұл мақалада функционалдық сауаттылық ұғымына шетелдік және отандық
ғалымдардың еңбектерінен шолу жасалып, еліміздегі орта білім беру мекемелеріндегі физика
пәні мұғалімдерінің оқушылардың функционалдық сауаттылығын дамытуға дайындық
деңгейіне талдау жасалды.