ҚАЗАҚСТАНДАҒЫ АВТОМОБИЛЬ КӨЛІГІМЕН ЖҮК ТАСЫМАЛЫН ЕСЕПКЕ АЛУ МЕН БАҚЫЛАУДЫ ЖАСАНДЫ ИНТЕЛЛЕКТ НЕГІЗІНДЕ АВТОМАТТАНДЫРУДЫҢ ЗАМАНАУИ БАҒЫТТАРЫ
Аннотации
Бұл мақалада Қазақстандағы автомобиль көлігімен жүк тасымалын есепке алу
мен бақылауды жасанды интеллект негізінде автоматтандырудың заманауи бағыттары
қарастырылды. Зерттеу нысаны ретінде Астана қаласындағы логистикалық компаниялардың
қызметі алынды. Автомобиль көлігі саласындағы есепке алу мен бақылаудың қазіргі жай-күйі,
цифрландыру деңгейі, логистикалық процестердегі негізгі мәселелер және жасанды интеллект
технологияларын енгізудің тиімді бағыттары талданды. Мақалада маршруттарды
интеллектуалды оңтайландыру, GPS/IoT арқылы нақты уақыттағы мониторинг, электрондық
құжат айналымын автоматтандыру, сұранысты болжау, отын шығынын бақылау және тәуекелдерді ерте анықтау сияқты шешімдердің маңызы негізделді. Сонымен қатар ресми
статистикалық деректер негізінде Қазақстандағы автомобиль көлігімен жүк тасымалдау
көлемінің динамикасы қарастырылып, графикалық түрде көрсетілді. Зерттеу нәтижесінде
жасанды интеллект негізіндегі автоматтандыру тасымал үдерісінің ашықтығын арттырып, адами
фактордың әсерін азайтып, логистикалық шығындарды төмендетуге және басқару шешімдерінің
сапасын арттыруға мүмкіндік беретіні анықталды.