ШӨМІШТІ ЭЛЕВАТОРДЫҢ ЖҰМЫС ОРГАНЫН ЕСЕПТЕУДЕ ҚАБЫҚША ТЕОРИЯСЫН ҚОЛДАНУ

Abstract

Мақалада шөмішті элеватордың жұмыс органын беріктік есептеудің дәлдігін арттыру мәселелері қарастырылады. Өндірістік процестердің қарқынды өсуі, конструктивтік формалардың күрделенуі және қозғалыс жылдамдығының артуы есептеу әдістерін жетілдіруді және көліктік машиналардың сенімділігін арттыруды талап етеді. Дәстүрлі беріктік талдау әдістері, яғни тіректер мен табақшалардың иілу теориясына негізделген тәсілдер, элеватордың жұмыс органдарының күрделі конструкцияларын есептеу кезінде әрдайым қажетті дәлдікті қамтамасыз ете алмайтыны көрсетілген. Жұмыста шөмішті элеватордың шөміш параметрлерін анықтауға қабықша теориясын қолдану негізіндегі тәсіл ұсынылады. Шөміш тасымалданатын сусымалы материалдың статикалық қысымы әсер ететін жайпақ қабықша ретінде қарастырылады. Шөміш қабырғаларының оңтайлы қалыңдығын анықтау әдісі әзірленген, ол тепе-теңдік теңдеулері, деформация-лардың үйлесімділігі және шекаралық шарттарды ескере отырып, тура есепті шешуге негізделген. Қабырғаларындағы күштерді, иілу моменттерін және кернеулерді анықтау үшін негізгі есептік тәуелділіктер келтірілген. Ұсынылған әдіс шөміш қабырғаларының рационалды қалыңдығын анықтауға мүмкіндік береді, бұл шөмішті элеватордың жұмыс органы сенімділігін және қызмет ету мерзімін арттырады.