ӘДЕБИЕТ ПӘНІН ОҚЫТУДАҒЫ ЖАСАНДЫ ИНТЕЛЛЕКТТІҢ ПЕДАГОГИКАЛЫҚ МҮМКІНДІКТЕРІ

Abstract

Бұл баяндамада жасанды интеллектінің білім беру саласындағы, соның ішінде әдебиет пәнін оқытудағы рөлі қарастырылады. ЖИ технологияларының оқыту үдерісін жекелендіру, мәтінді талдау, шығармашылық тапсырмалар әзірлеу және уақытты тиімді пайдалану мүмкіндіктері сипатталады. Сонымен қатар технологияның этикалық қырлары мен мұғалімнің тәрбиелік рөлінің алмастырылмайтыны негізделеді. ЖИ – білім берудегі құрал, ал шешуші тұлға – саналы педагог екені айқындалады. Зерттеудің мақсаты: Әдебиет пәнін оқыту үшін цифрлық технологияның мүмкіндіктерін жан-жақты талдап, дифференциацияланған оқыту сынды функцияларды бағалап, оқушының критикалық ойлау мен интеллектуалды креативті қабілетін жетілдірудің негізін анықтау. Зерттеудің міндеті: Оқыту процесінде әдебиет пәнін жасанды интеллектінің көмегімен негіздеп, педагогикалық әдіс-тәсілдерді жинақтау, образдық және жанрлық ерекшеліктерді жіктеп, әдеби дискурстық талдау әдістері аясында зерттеу. Жасанды интеллектің педагогикалық мүмкіндіктерін пайдаланып, білім беру жүйесіне қолдану үшін отандық және шетелдік еңбектерге ретроспективті зерттеу жүргізілді, зерттеудің мақсаты мен міндеті концептуалдық тұрғыда айқындалды.