ЗАМАНАУИ СТУДЕНТТЕРДІҢ КӨПТІЛДІЛІККЕ ҰМТЫЛЫСЫ: СЕБЕПТЕРІ МЕН БАСЫМДЫҚТАРЫ
Аннотации
Бұл мақалада заманауи студенттердің көптілділікті меңгеруге деген
ұмтылысы, олардың тілдік басымдықтары және тіл үйренуге әсер ететін негізгі
факторлар қарастырылады. Зерттеу Қазақстандағы «Үш тұғырлы тіл»
тұжырымдамасының білім беру жүйесіндегі рөлі мен оның жастардың тілдік
құзыреттілігін дамытуға ықпалын талдауға бағытталған. Зерттеу барысында Л.Н.
Гумилев атындағы Еуразия ұлттық университетінің 125 студенті қатысқан
сауалнама нәтижелері қарастырылды. Нәтижелер студенттердің басым бөлігі екі
немесе одан да көп тілді меңгергенін және ағылшын тіліне ерекше басымдық
беретінін көрсетті. Сонымен қатар тіл үйренуге университеттік орта, әлеуметтік
желілер, ата-ананың ықпалы және достар ортасы сияқты факторлар әсер ететіні
анықталды. Зерттеу нәтижелері студенттер үшін тіл үйренудің негізгі мақсаты
коммуникативті құзыреттілікті дамыту және халықаралық еңбек нарығында
бәсекеге қабілетті болу екенін дәлелдейді.