ИНКЛЮЗИВТІ БІЛІМ БЕРУ ЖҮЙЕСІНДЕ ЖАСАНДЫ ИНТЕЛЛЕКТТІ ҚОЛДАНУДЫҢ ТИІМДІЛІГІ

Abstract

Инклюзивті білім беру жүйесінде жасанды интеллект (ЖИ) технологияларын қолданудың тиімділігі кешенді түрде қарастырылады [3]. Ерекше білім беру қажеттілігі бар білім алушылардың, атап айтқанда көру, есту жəне сөйлеу қабілеттері бұзылған, аутизм спектрі бұзылысы бар, сондай-ақ зейін деңгейі төмен оқушылардың оқу процесіндегі танымдық белсенділігін арттыру мəселелері талданады [6]. Сонымен қатар, білім сапасын жақсарту жəне білім алушылар үшін жеке білім беру траекториясын қалыптастырудағы жасанды интеллекттің рөлі айқындалады [4]. Цифрлық білім беру құралдарының педагогикалық мүмкіндіктері сараланып, олардың негізгі артықшылықтары ретінде оқытуды дараландыру, білім нəтижелерін автоматты бағалау жəне интерактивті білім беру ортасын қалыптастыру ерекшеліктері көрсетіледі [5]. Қазақстан Республикасындағы жасанды интеллект технологияларын қолдану тəжірибесіне талдау жасалады [1].