ЦИФРЛАНДЫРУ ДƏУІРІНДЕГІ БОЛАШАҚ ПЕДАГОГ-ПСИХОЛОГТЫҢ КƏСІБИ ИМИДЖІ: ҒЫЛЫМИ-ТЕОРИЯЛЫҚ АСПЕКТІЛЕРІ
Аннотации
Бұл мақалада цифрландыру дəуіріндегі болашақ педагог-психологтардың кəсіби имиджін
қалыптастырудың ғылыми-теориялық аспектілері қарастырылады. Зерттеудің мақсаты – цифрлық орта
жағдайында болашақ педагог-психологтардың кəсіби имиджін қалыптастырудың мазмұнын, құрылымдық
компоненттерін жəне оның педагогикалық-психологиялық негіздерін айқындау. Автор қазіргі қоғамдағы
цифрландыру үдерісінің білім беру саласына əсерін, педагогикалық кадрларды даярлаудағы жаңа талаптарды
жəне цифрлық мəдениеттің кəсіби бейнеге ықпалын талдайды. Зерттеу əдіснамасы ретінде жүйелі-құрылымдық
талдау, салыстырмалы жəне контенттік талдау, теориялық модельдеу тəсілдері қолданылды. Бұл əдістер
педагогикалық, психологиялық жəне имидждік тұжырымдарды біріктіре отырып, кəсіби имидждің цифрлық
ортада қалыптасу заңдылықтарын анықтауға мүмкіндік берді.Зерттеудің ғылыми жаңалығы мен құндылығы
болашақ педагог-психологтың кəсіби имиджін цифрлық мəдениетпен өзара байланыста қарастыруында,
сондай-ақ оның кəсіби өзіндік презентациясын дамыту жолдарын айқындауында көрініс табады. Зерттеу нəтижелері кəсіби дайындық жүйесін жетілдіруге, болашақ мамандардың цифрлық кеңістіктегі беделін
қалыптастыруға ықпал етіп, мақала нəтижелері педагогикалық жоғары оқу орындарына арналған имидждік
даярлық бағдарламаларын дайындауда қолдануға мүмкіндік береді.