БАСТАУЫШ СЫНЫП ОҚУШЫЛАРЫНЫҢ ӨЗІН-ӨЗІ РЕТТЕУ ДАҒДЫСЫН ДАМЫТУ
Аннотации
Мақалада бастауыш сынып оқушыларының өзін-өзі реттеу дағдысын дамыту мəселесі
қарастырылады. Өзін-өзі реттеу білім алушының оқу əрекетін саналы түрде жоспарлау, бақылау жəне бағалау
қабілеттерін қамтитын тұлғалық қасиет ретінде сипатталады. Зерттеудің мақсаты - бастауыш сынып
оқушыларының өзін-өзі реттеу дағдыларының оқу үдерісі мен оқу жетістіктеріне əсерін теориялық тұрғыда
талдау. Мақалада өзін-өзі реттеу ұғымына қатысты шетелдік жəне қазақстандық ғалымдардың еңбектеріне
талдау жасалып, бастауыш мектеп жағдайында бұл дағдыны қалыптастырудың педагогикалық маңызы
ашылады. Зерттеу барысында ғылыми-педагогикалық əдебиеттерге теориялық талдау, салыстыру жəне
жүйелеу əдістері қолданылды. Зерттеу нəтижелері өзін-өзі реттеу дағдыларын дамытудың оқушылардың
дербестігін, жауапкершілігін жəне оқу мотивациясын арттыруға ықпал ететінін көрсетеді.