ХИМИЯ ПƏНІН ОҚЫТУДА БІЛІМ АЛУШЫЛАРДЫҢ ТАНЫМДЫҚ БЕЛСЕНДІЛІГІН АРТТЫРУ

Abstract

Бұл мақалада химия пəнін оқыту барысында білім алушылардың танымдық белсенділігін арттырудың маңызы, мазмұны жəне тиімді жолдары жан-жақты қарастырылады. Танымдық белсенділікті дамыту білім сапасын арттырудың, білім алушылардың пəнге деген тұрақты қызығушылығын қалыптастырудың жəне олардың оқу əрекетіне саналы түрде қатысуының негізгі шарттарының бірі ретінде сипатталады. Мақалада химия сабақтарында қолданылатын проблемалық оқыту, зертханалық тəжірибелер, зерттеу элементтері бар тапсырмалар, талдау жəне бақылау жұмыстары арқылы білім алушылардың ойлау қабілетін, дербестігін жəне оқу мотивациясын дамыту мүмкіндіктері қарастырылады. Сонымен қатар танымдық белсенділіктің білім алушылардың сыни жəне логикалық ойлауын, зерттеушілік дағдыларын қалыптастырудағы, теориялық білімді практикамен ұштастырудағы рөлі ғылыми-əдістемелік тұрғыда негізделеді. Химия пəнінің тəжірибеге бағытталған ерекшеліктері білім алушылардың оқу үдерісіне белсенді қатысуына, химиялық құбылыстарды терең түсінуіне жəне алған білімдерін өмірлік жағдаяттарда қолдана білуіне мүмкіндік беретіні көрсетіледі. Белсенді оқыту əдістерін жүйелі қолдану білім алушылардың танымдық қызығушылығын арттырып қана қоймай, олардың дербес ойлауын, өздігінен білім алу дағдыларын жəне ғылыми дүниетанымын қалыптастыруға ықпал ететіні айқындалады.