ЗАМАНАУИ ПЕДАГОГТІҢ КƏСІБИ ДАМУЫНДАҒЫ ҚҰНДЫЛЫҚТЫҚ ТƏСІЛДЕМЕ: ЖҮСІП БАЛАСАҒҰН ИДЕЯЛАРЫ НЕГІЗІНДЕ

Abstract

Қазіргі таңда елімізде педагогтің кəсіби қызметіне жоғары моральдық жауапкершілік жүктеліп отыр. Оған дəлел «Педагог мəртебесі туралы» Қазақстан Республикасының Заңында педагогтің тұлғалық сапалары мен кəсіби құзіреттілігін арттыру мемлекеттік саясаттың басым бағыты ретінде айқындалады [1]. Мақалада Жүсіп Баласағұнның «Құтты білік» дастанындағы философиялық нышандар негізінде заманауи педагог-көшбасшының кəсіби тұлғасын қалыптастыру мəселелері қарастырылады. Автор дастандағы төрт негізгі кейіпкердің бейнесін жай сипаттап қана қоймай, оларды «Адал азамат», «Тіл мəдениеті», «Зияткерлік əлеует» жəне «Кемел парасат» сияқты бүгінгі педагогтің бойында табылуы қажет төрт іргелі құндылықтың моделі ретінде ұсынады. Мақалада аталған құндылықтарды интегративті-тұлғалық құрылым ретінде дамытудың маңызы мен олардың педагогтің кəсіби қызметін жүзеге асырудағы рөлі айқындалған. Зерттеу барысында дастан мəтінінен нақты үзінділер келтіріле отырып, заманауи педагогкөшбасшының кəсіби сапаларын дамытудың педагогикалық шарттары мен маңызына жан-жақты сипаттама берілген.