ЖОҒАРЫ БІЛІМ БЕРУ ЖАҒДАЙЫНДА ЖАСАНДЫ ИНТЕЛЛЕКТТІ ҚОЛДАНУ ЕРЕКШЕЛІКТЕРІ

Abstract

Берілген мақалада заманауи жоғары білім беру жағдайында жасанды интеллектті қолданудың ерекшеліктері қарастырылады. Зерттеудің өзектілігі цифрландыру үдерісі жағдайында жоғары білім беру жүйесінің трансформациялануымен жəне жасанды интеллект технологияларының білім беру процесіне белсенді енгізілуімен негізделеді. Университеттік білім беруді жаңғырту жағдайында аталған технологияларды дидактикалық, ұйымдастырушылық жəне этикалық аспектілерді ескере отырып қолдану ерекшеліктерін айқындау ерекше маңызға ие. Зерттеу барысында отандық жəне шетелдік ғылыми дереккөздерге əдеби шолу жасалып, жасанды интеллектті университеттік білім беру ортасына енгізудің қолданыстағы тəжірибелеріне салыстырмалы талдау жүргізілді. Теориялық еңбектерді жинақтау нəтижесінде жасанды интеллектті қолданудың негізгі бағыттары жүйеленіп, оны білім беру ортасына одан əрі интеграциялаудың перспективалары айқындалды.