ҚХР мен ЕО қарым-қатынастарындағы инвестициялық мәселелер
Аннотации
Мақалада Қытай Халық Республикасы (әрі қарай ҚХР) мен Еуропалық
Одақ (әрі қарай ЕО) мүше елдері ынтымақтастығындағы тікелей инвестицияның
атқаратын рөлі талқыланады. Кытайдың жаһандық инвестор және қаржыгер
ретіндегі рөлі соңғы онжылдықтарда жылдам өсті. Екіжақты инвестициялық
келісім әр тарап үшін де кең мүмкіндіктер ашады. Қазіргі таңда бұл саладағы
ынтымақтастық мемлекеттер арасында екіжақты келісімдермен реттеледі.
Соған қоса, бүгін Қытай өзінің соңғы мақсатының бірі Еуропа болып табылатын
«Бір белдеу, бір жол» бастамасын ілгерілетуді күшейтіп жатыр. Дегенмен,
Қытайдың ЕО-қа инвестициясының біршама артуы көптеген пікірталас
тудырды. Оның ішінде Қытайдың еуропалық экономиканы басып алуға ұмтылысы
туралы баса айтылады. Жұмыстың мақсаты – Қытай және Еуропалық Одақ
елдерінің инвестициялық саясатын талдап, оның ерекшеліктерін айқындау.
Мақаланы жазу кезінде ғылыми зерттеулердің әдіснамасында сапалық, сандық
және салыстырмалы талдаулары пайдаланылды.
Зерттеу барысында екі жақ арасындағы инвестициялық қарым-қатынастың
даму тарихы зерттеліп, оның қазіргі жағдайы талданды.
Авторлардың назары соңғы жылдары Еуропалық Одақта Қытайдың ықпалын
бәсеңдетуге арналған «Жаһандық қақпа» бастамасына бағытталған. Бұл жұмыс
Қытайдың Еуропадағы инвестициясы мен Қытайдың аймақтағы ықпалы
арасындағы байланысты мұқият тексеруге арналған.