Экономикалық ынтымақтастық және даму ұйымына мүше мемлекеттерде денсаулық сақтау жүйесін дамытуды халықаралық-құқықтық реттеу
Аннотации
Мақалада Экономикалық ынтымақтастық және даму ұйымы (бұдан әрі
– ЭЫДҰ) елдерінің мысалында денсаулық сақтау жүйесін стратегиялық дамыту мәселелерін халықаралық-құқықтық реттеу мәселесі қаралады. Халықаралық еңбек ұйымының (бұдан әрі – ХЕҰ) конвенциялары мен ұсынымдарының іске асырылуы арқылы
оның қызметі мәселелері қарастырылады. ХЕҰ конвенциялары мен ұсыныстарында
пандемия жағдайында денсаулық сақтауды дамытуға үлкен мән беріледі. Жаңа коронавирустық инфекцияның (COVID–19) өршуі ұлттық денсаулық сақтау жүйелерінің
беріктігін, олардың төтенше жағдайларға қарсы тұру әлеуетін, дайындық деңгейі мен
жылдамдығын тексерді. COVID–19 вирусының тез таралуы денсаулық сақтау жүйесін
шұғыл нығайту қажеттігін көрсетті.
Пандемия кезінде жұмыс уақытының ұзақтығы, оның ішінде үстеме жұмыс, жұмыстың ыңғайлы емес сағаттары мен ауысымдық жұмыс сағаттарын реттеу және өтеу,
апталық демалыс, жүктілік және босану бойынша демалыс, ауыруына байланысты демалыс, әлеуметтік қамсыздандыру ерекше өзекті жағдайларға жатады. Еңбекшілердің
(оның ішінде еңбекші-мигранттардың) кәсіптік одақтарға бірігуге құқығы да зор мәнге
ие. Бірігу құқығы соның ішінде медицина қызметкерлерінің де еңбегін реттеудің маңызды құралдарының бірі. COVID–19 өршуі мен оның салдарына байланысты қабылданған
шаралардың тиімділігін қамтамасыз ету үшін әлеуметтік диалог пен трипартизм
арқылы құрылған сенім атмосферасы қажет.