Қар жабындысының ауыр металдармен ластануын бағалау

Abstract

Бұл жұмыста қар суының ауыр металдармен ластануы туралы мәлiметтер келтiрiлген. Зерттеуге қажеттi материалдар жиналды. Су сынамаларын жинау үшiн арнайы белгiленген аймақтарда конверт әдiсi пайдаланылды. Ерiген қар суының ластануын зерттеу кезiнде ауыр металдардың бары не жоғы анықталды. Нұр-Сұлтан қаласының аумағындағы қар жабындысындағы Cu, Сo, Ni, Mn, Cd, Zn, Pb концентрациясы атомды-абсорбционды әдiстерi арқылы анықталды. Жүргiзiлген зерттеу нәтижелерi қар жабындысының қабатында ауыр металдардың бар екенiн көрсеттi. Ластаушылардың негiзгi құрамын келесi металдар құрады: Cu, Сo, Ni, Mn, Cd, Zn, Pb және концентрациясы мг/л-мен өлшендi. Салыстырмалы талдау негiзiнде, ауыр металдардың құрамы барлық сынамалар бойынша шектi рұқсат етiлген концентрациядан төмен екенi белгiлi болды. Қар суындағы ауыр металдардың бар болуы атмосфералық ауаның ластануымен, әсiресе автокөлiктерден болатын техногендi ластанумен түсiндiрiледi. Бұл фактiлер аймақ бойынша ауа мен қар жабындысын ауыр металдарға кезең бойынша тексеру қажет екенiн көрсетедi.