Орталық Қазақстандағы жер асты және беткей сулардың экологиялық жағдайын бағалау
Аннотации
Мақалада антропогендік факторлардың әсерінен өзен суларының химиялық
құрамының өзгеруі анықталды. Су айдындарының антропогендік ластануы және Қарағанды облысының өзендерінің су сапасының нашарлауы жер үсті суларын жинаумен
және ластанған ағынды сулардың жер үсті суларына ағуымен байланысты екендігі көрсетілген. Су ресурстарын ластаушы көздерінің әсерін ескере отырып, өзен бассейндері
үшін облыстың өзендерінің сапасын бағалау қарастырылған. Қарағанды облысының
«Қазгидромет» филиалы өзен суларының марганецпен ластануы туралы экологтарға хабарлаған. Атап айтқанда, жер үсті суларының нашарлауы Нұра, Соқыр, Шерубай-Нұра,
Каракеңгір өзендерінде байқалды. Бұдан басқа, Қазгидромет станцияларында жиналған
деректер талданды. Су объектілерінде марганецтің тұрақты екені және облыстың
басқа да су объектілерінде бар екені анықталды. Мысалы, Көкпекті өзені бойында өнеркәсіптік кәсіпорындар жоқ болғанымен, Көкпекті өзенінде марганецтің шекті концентрациядан асып кеткені анықталды. Гидробиологиялық зерттеулер бойынша жалпы
микроағзалардың санын анықтау үшін Киевка ауылынан төрт жерден су үлгісі алынды.
Олар ауылдың батыс жағындағы тас жолдың бас көшесінің құдығынан, «Алтын дән»
балабақшасының ауыз суынан, жалпы орта білім беру мектебінің ауыз суынан және
мектеп скважинасынан алынған.