http://repository.enu.kz/handle/enu/1594 2026-04-04T02:21:57Z 2026-04-04T02:21:57Z Есенбекова, Ұ.М. http://repository.enu.kz/handle/enu/1607 2025-06-13T21:08:07Z 2019-01-01T00:00:00Z

Трансмедиалық баяндаудың тұжырымын зерттеудегі теориялық ұстанымдар Есенбекова, Ұ.М. Мақалада трансмедиалық баяндаудың тұжырымы мен сипаттары, трансмедианы медиа кеңістікте қолдану жолдары зерттелген. Ақпараттық технологиялар мен жаңа медиалар жүйесін жетілдірудегі рөлі сарапталады. Мақалада трансмедианың теориялық тұжырымдары мен қағидалары талданып, ақпараттық-коммуникациялық саланың даму кезеңдеріне қатысты жүйелі сараптаулар жасалған. Қоғамның ақпараттық коммуникативтік әлеуетін өсіруге қажетті ұсыныстар берілген. Ғылыми мақалада трансмедиа технологиялары мен коммуникациялық ортадағы көріністері; трансмедиалық стратегияның маңыздылығы мен аудиторияға әсері; интерактивті медиалар қызметінің әлеуметтік аспектілері жүйеленіп, сарапталған. Автор коммуникативтік үрдістердің даму жолдарын анықтап, болжауға тиімді әдістемелер қолданған. Мақала трансмедиалық сторителлинг технологияларының ғылыми тұжырымдарын игеру мен ақпараттық-технология заманында ұлттық ерекшеліктерді сақтап қалу үшін, адам пен қоғамның дамуын қамтамасыз ету бағытында жаңа ғылыми ізденістерге көмегін тигізеді деген ниетпен жазылған.

2019-01-01T00:00:00Z Амангелдиева, Г.С. Сақ, Қ.А. http://repository.enu.kz/handle/enu/1606 2025-06-14T01:37:05Z 2019-01-01T00:00:00Z

Сандық журналистиканың қалыптасуы және өзгермелі көкжиектері Амангелдиева, Г.С.; Сақ, Қ.А. Авторлар мақалада сандық журналистиканың қалыптасу жолын қарастырған. Ғылыми еңбекте алғашқы сандық форматтағы материалдың пайда болу кезеңінде күтілген жетістіктер мен қол жеткізген нәтижелер негізге алынған. Интернет журналистикаға, соның ішінде жаңалықтарға қолжеткізу бойынша сараптама жасалды. Шетелдік ғылыми еңбектер негізінде интернет басылымдарға сараптама жүргізу арқылы журналистика саласындағы мамандардың пікірін келтіреді. Ғылыми тұжырымдамаларға сүйеніп, сандық журналистикаға өту жолында қажетті парадигмаларды көрсетеді. Авторлар мақала жазу барысында гиперлокальды журналистика ұғымына түсінік берген. Жаңа медиа толқынында Hashtagify, HTML немесе CSS сияқты кодты білудің маңыздылығын айқын көрсеткен. Солардың негізінде дижитализацияның құралдарымен жұмыс істеуді бастап, журналистерге қолайлы қосымшаларды пайдалануды ұсынады.

2019-01-01T00:00:00Z Алдабергенов, Қ.М. http://repository.enu.kz/handle/enu/1604 2025-06-14T05:41:28Z 2019-01-01T00:00:00Z

Қазақ жеріндегі жаппай ашаршылық және репрессия жылдарындағы баспасөз Алдабергенов, Қ.М. Мақалада отызыншы жылдар қазақ халқының басынан өткен «қара түнек жылдар» болып саналатын аштық пен репрессия жылдарындағы журналистиканың тарихы сараланып, зерттеледі. Ф. Голощекин 8 жыл ішінде қазақ жерінен құйындай ұйтқып өткен социализмді қайталау ниетімен «Кіші Октябрь» бағдарламасын жасап, адамдарға «қасық пен шанышқыны қалай ұстату керектігін» үйретумен айналысты. Нәтижесінде 1933 жылдың басында қазақ халқы тең жартысынан айырылып, 40 миллион малдың 5-ақ миллионы қалды. Мұның өзі күні кешеге дейін «ұсақ-түйек қателіктер» мен «елеусіз кемшіліктер» деп аталып келді. Мақалада ХХ ғасыр басындағы қазақ жеріндегі нәубат, яғни ашаршылық пен реп- рессия жылдарындағы мерзімді баспасөз жұмысына баға беріліп, оның оң және теріс тенденциялары айқындалады.

2019-01-01T00:00:00Z Дүйсебай, Д. Тасполатова, Р. http://repository.enu.kz/handle/enu/1601 2025-06-14T17:55:20Z 2019-01-01T00:00:00Z

Спорт журналистерін кәсіби деңгейде дайындау мәселелері Дүйсебай, Д.; Тасполатова, Р. Мақалада қазақ спорт журналистикасының тарихы зерделеніп, оның шығу тарихы мен белгілі спорт комментаторларының сөз саптау шеберлігі талданады. Мақалада «спорт комментаторлығы» мен «спорт», «спорт журналистикасы», «қазақ спорт журналистикасы» деген ұғым-танымдардың қазақ санасына сіңісуі мен дағдылануы қарастырылады. «Спорт» пен «Спорт журналистикасы» ұғымдары КСРО секілді алып елдің құрамына енген жылдары мәлім болды. Патшалық Ресей тұсында орыстан - Иван Поддубный, қазақтан - Қажымұқан Мұңайтпасов әлемдік аренада өнер көрсеткені тарихи шындық. Ресей спорт комментаторлығын 1900 жылдары Санкт-Петерборда пайда болған «Маяк» Бүкіләлемдік христиан жас адамдар (жастар емес, жас адамдар) одағымен байланыстырады. Оны құрушы – америкалық Джемс Стокс. Бұл ұйым Кеңес одағы құрылғанша өмір сүрген. Оның негізгі мақсаты – жастарды дене мәдениетіне тәрбиелеу болды. Қазақ жұртшылығына Кеңес одағы қалыптасып, социализм идеясының кең таралуымен келгендігі қарастырылған. Спорт журналистикасы терминінің Ресейде «Советский спорт», «Физкультура и спорт», Қазақстанда екі тілде шығатын «Спорт» басылымдарның дүниеге келімен орныққаны анық. Авторлар осы мақаласында қазақ спорт журналистикасының даму барысы, проблемалары, болашағы төңірегінде ой қозғайды.

2019-01-01T00:00:00Z