http://repository.enu.kz/handle/enu/1528 2026-04-04T00:59:39Z http://repository.enu.kz/handle/enu/1539 Дәстүрлі БАҚ-тың Интернет медиаға көшудегі негізгі құралдары Тоқтағазин, М.Б.; Амангелдиева, Г.С. Автор мақалада дәстүрлі БАҚ-тың интернет медиаға көшер алдындағы алғышарттары туралы жазған. Дижитилизацияның негізгі құралдарын сатылап, анықтама беріп көрсеткен. Шетелдік интернет басылымдарға сараптама жүргізу арқылы журналистика саласындағы мамандардың пікірін келтіреді. Ғылыми тұжырымдамаларға сүйеніп, журналистика саласындағы жаңа атауларға түсінік береді. Автор мақала жазу барысында жаңа медиа толқынында ақпарат алу, жинау, өңдеу, тарату және ақпаратты сақтау үшін қажетті заманауи технологиялардың арнайы қосымшаларын анықтаған. Дижитилицазияның құралдарымен жұмыс істеуді бастау үшін аналитиктер ұсынған бірнеше құралдарды салыстыра отырып, журналистерге қолайлы қосымшаларды пайдалануды ұсынады. 2018-01-01T00:00:00Z http://repository.enu.kz/handle/enu/1537 БАҚ және Қазақстандағы цифрландыру жүйесі Білдебекова, Ә.Т.; Тәжібаев, Ғ.Қ. Мақалада Қазақстандағы цифрландыру жүйесі мен бұқаралық ақпарат құралдарының қызметі қарастырылған. Тарихта адамзат өркениетін дамытуда бірнеше ақпараттық серпілістер болғаны анық. Мәселенің төркіні өткен ғасырдың жетпісінші жылдарында жапон ғалымдары ұсынған «ақпараттық қоғам» туралы қазіргі заманғы озық идеядан бастау алды. Аталмыш идея адамзат өркениетінің, ғылымы мен білімінің кешенді де ауқымды өрлеуін, мемлекеттің қоғамдық-саяси құрылымын жетілдіру мен тұрақты дамуын қамтамасыз етудегі орасан зор әлеуетімен көптеген елдердің назарына ілікті. Қазақстан жаңа дәуірге – цифрлық дәуірге аяқ басты. Цифрлық индустрияны дамыту басқа барлық салаларға серпін береді. Елімізде цифрландырудың негізі болып табылатын ақпараттық-коммуникациялық технологияларды енгізудің қолға алынғанына біршама уақыт болды. Шикізатқа емес, ғылым-білімге, ақпараттық технологияларға негізделетін экономикалық даму үрдісі қалыптасып отырған қазіргі кезеңде елдің ақпараттық ресурстарын молайту міндеті қойылып, ол өз шешімін тауып келеді. Ең маңыздысы – жаңа технологияларға негізделген цифрландыру арқылы ашықтық және жеделділік қалыптасады. Бұдан шығатын қорытынды: цифрландыру – Қазақстанның болашағы. Аталмыш бағдарлама ақпарат көшін бастап өркениетке ұмтылған БАҚ саласына зор жауапкершілік пен айқын міндеттер де жүктейтіні аян. Бұқаралық ақпарат құралдары дамуының қазіргі таңдағы тенденциясы – ақпараттық қоғамға бетбұрыс болып табылады. Әлемдік журналистика жаңа сапалық деңгейге-цифрлық теледидар бағдарламалары мен баспасөз өнімдерін өндіруге көшті. 2018-01-01T00:00:00Z http://repository.enu.kz/handle/enu/1535 Жаңа дәуір медиалары және ақпараттық-психологиялық қауіпсіздік мәселелері Құтым, Л.Қ.; Есенбекова, Ұ.М. Мақалада бүгінгі медиалардың тұтастай мемлекеттің дамуын өзгертіп жіберетін қабілеті мен мүмкіндігі сарапталады. Бұл жерде медиапсихологияның маңызын төмендетуге болмайды. Бүгінгі бұқаралық коммуникация құралдары, жаңа медиа жүйелері ұдайы дамып отырған, эволюциялық өрісі кең әлеуметтік организм. Автор мақаласында медиапсихологияны жылдам дамып келе жатқан журналистика теориясы мен коммуникативтік саланың құрамдас бөлігі деп қарастырады. Жеке тұлғаның іс-әрекетінің өзгеруін, жеке адамға және топтарға бағытталған медиа-әсерлерді, адамдардың медиа-мәтіндерді қабылдаудағы психологиялық феномендер мен ерекшеліктерді зерттеуді басты назарға алған. Мақалада медиапсихология цифрлық дәуірде пайда болған жаңа ғылыми бағыт деген тұжырым жасалып, талданған. 2018-01-01T00:00:00Z http://repository.enu.kz/handle/enu/1532 Саяси коммуникация жүйесіндегі ашық пікір мен шынайы ақпаратқа деген сұраныс Есенбекова, Ұ.М. Мақалада саяси жүйе мен саяси коммуникация ақпараттық қоғамда бір-бірімен тығыз байланыста дамитыны көрсетілген. Автор бұл процестер күрделене келе қоғамдағы ашық пікір мен шынайы ақпарат таратуға жақсы мүмкіндіктер туғызады деген тұжырым жасайды. Саяси коммуникация жүйесі үшін ақпараттық қоғам мүмкіндіктерін тиімді қолдануға болады. Ақпараттық қоғамда саяси коммуникация үшін мүмкіндіктер де мол, қиындықтар да бар. Саяси коммуникациядағы басты мәселе адамға қажетті ақпарат беріп отырып, оның санасына әсер ету. Саяси партиялар мен билік те қоғамдық пікірді өздерінің пайдасына жақын етіп қалыптастыру үшін түрлі ақпараттық технологияларды қолданады. Автор өз мақаласында қазіргі бұқаралық коммуникацияның саяси процестерге ықпалын талдайды. Қоғамның саяси жүйесі қалыпты жұмыс істеуі үшін оған коммуникациялық құралдар керек. Саяси жүйе коммуникацияға тәуелді және демократияның дамуына жаңаша коммуникациялық ресурстар қажет екенін көрсетеді. 2018-01-01T00:00:00Z