http://repository.enu.kz/handle/enu/1772 2026-04-04T01:59:56Z http://repository.enu.kz/handle/enu/1791 «Ақ жол» газетінің саяси-идеялық ұстанымы Сақ, Қ.Ө.; Қойгелдиева, З.Ж. Халық тағдыры қыл үстінде тұрған шешуші сәттерде баспасөздің маңызы артып, көсемсөзі өткірлене түсетіні дәлелдеуді қажет етпейтін шындық. Мақала ХХ ғасыр басында дүниеге келген, ұлттық публицистикаға өзіндік қолтаңбасын жасаған «Ақ жол» газетінің саяси-идеялық ұстанымы туралы жазылған. Зерттеуде «Ақ жол» газетінің аталу себебіне талдау жасалынған. Сол кезеңдегі қоғамда қазақы рухты бойына сіңіріп, таптық қоғамнан ұлттық құндылықты жоғары қойған мерзімді басылымның маңызына зерттеу барысында аса мән берілген. Газеттегі жарияланған мақалаға байланысты, жанрға талданды. Алаш қайраткерлерінің қоғамдық-ағартушылық бағытына, құнды мақалаларына жан-жақты зерттеу жасалынған. Тұтас Түркі жұртының болашағына үлесін қосқан «Ақ жол» газетіндегі жарияланған Алаш көсемдерінің отарлық езгіден шығу жолы зерттеу мақаланың басты өзегі болған. Мақалада «Ақ жол» газетінің сол қиын кезеңдегі қазақ қоғамының ащы шындығын, төніп келе жатқан қауіпті жеткізе білген басылым екендігіне талдау жасалынған. 2020-01-01T00:00:00Z http://repository.enu.kz/handle/enu/1790 «Оңтүстік Қазақстан» газетінің тақырыптық, тілдік-стильдік ерекшеліктері Шиндалиева, М.Б.; Жанысбаева, А.П. Тоқсан жылдан астам тарихы бар, еліміздің байырғы газеттерінің бірі «Оңтүстік Қазақстан» газеті екені бәрімізге мәлім. Бұл мақалада негізін Алаш арыстары қалаған, ата басылым «Оңтүстік Қазақстан» қоғамдық-саяси газетінің тақырыптық, тілдік-стильдік ерекшеліктері зерделенген. Аталған газеттің мазмұны мен тарихына көз жүгіртіп, кешесі мен бүгінінің тарихи өзгеру жолы салыстырыла зерттелген. Тақырып қою стилі, қойылған тақырыптардың түрлері, типтері және оларды безендіру дизайны сараланған. Газеттегі айдарлар мен бөлімдер, тұрақты рубрикалар жүйесі нақты мысалдар келтіру арқылы тың зерттеліп жазылған. Сонымен қатар, уақытша бағандар мақалалары да назардан тыс қалмаған. 2020-01-01T00:00:00Z http://repository.enu.kz/handle/enu/1787 Қазақ мерзімді баспасөзіндегі әйелдер мәселесінің жазылу эволюциясы Сейдигазимова, Ш.Д.; Тапанова, С.Е.; Топлу, М. БАҚ билік пен халық арасын байланыстырушы ғана емес, төртінші билік өкілі саналады. Бүгінде ақпарат алмасу саласында тұрақты жүйелі қызмет етіп келе жатқан баспасөз құралдары жетерлік. Олардың ішінде оқырманның мәдени өмірінің рухани азығына айналған ұлттық баспасөзіміз қай мәселенің басын шалса да, қоғамның салт-санасына тигізер әсері зор. Гендерлік теңдікке қол жеткізуде қазақ баспасөзіне қоғам жағдайының ең сезімтал индикаторы ретінде ерекше рөл беріліп, зерттеу мақаласының бүгінгі күннің өзекті де, маңызды тақырыпқа құрылғандығы айқындалады. Зерттеу мақаласында ХХ ғасырдың басындағы алғашқы әйел басылымдарының шығу және қалыптасу тарихына шолу жасалып, ондағы әйел қаламгерлердің жарық көрген көркем еңбектері мен оның тақырыптары ғылыми негіз ретінде назарға алынған. Басылымдарда гендерлік теңдік мәселесінің берілуі және жазылуы жиілігі мен ерекшеліктері анықталып, материалдарды талдау парадоксалды тенденцияларды негіздейді. 2020-01-01T00:00:00Z http://repository.enu.kz/handle/enu/1786 Символдың ақпараттық-коммуникациялық және ұйымдастырушылық қызметі Тұржан, О.І. Ақпараттық дәуірдің ақпарат жеткізудегі ең тиімді, әрі ең жылдам әдістерінің бірі – символдарды пайдалану. Әсіресе, визуалды символдардың тиімділігі уақыт өткен сайын айқын сезілуде. Өйткені қазіргі аудитория визуалды ақпаратты жақсы қабылдауға бейімделген. Оған Интернет, түрлі цифрлық технологиялар ықпал етуде. Осындай ерекшеліктерге байланысты ақпарат таратуда, қандай да бір ұйымдастырушылық шараларында болсын символдарды қолдану белсенділігі де артты. Символдардың ақпараттық-коммуникациялық және ұйымдастырушылық қызметі көне дәуірден бері қарай жалғасып келеді. Оның әлі де өзекті болуының себебі коммуникацияға жағымды ықпалы, қолданысқа ыңғайлы, әрі тиімділігінде болып отыр. Бұл зерттеу мақаламызда символдардың осындай ерекшеліктерін қарастырған бұған дейінгі ғылыми зерттеулерге сүйене отырып, қазіргі кездегі ақпараттық-коммуникациялық және ұйымдастырушылық қызметінің негізгі аспектілеріне ғылыми-теориялық талдаулар жасалады. Күллі әлемді шарпыған COVID-19 індеті кезінде кәдімгі масканың ұйымдастырушылық-ақпараттық және коммуникациялық қызмет атқарған символ ретіндегі сипатына да ғылыми тұрғыдан саралау жүргізілді. Символдардың жалпы танымдық, қарым-қатынастық және тарихи код ретіндегі ерекшелігіне байланысты көптеген зерттеушілердің еңбектеріне сілтеме жасалды. Қоғамдық қатынастардағы маңызына ғылыми баға беріледі және визуалды символдардың ықпалдылық категориялары сарапталады. 2020-01-01T00:00:00Z