http://repository.enu.kz/handle/enu/1510 2026-04-03T23:45:07Z http://repository.enu.kz/handle/enu/1515 Жаңа медиа: азаматтық журналистика және отандық БАҚ Тоқтарбай, Б. Автор мақалада журналистика саласына интернет арқылы енген жаңа атаулар мен оның артықшылығына тоқталады. Жаңа медиа ұғымына және азаматтық журналистика сияқты бүгінгі қоғамда белсенді қызмет етіп отырған топтардың қызметіне баға береді. Медиа саласындағы техникалық, технологиялық ілгерлеушіліктің артықшылығын атап өтеді. Шетелдік ғалымдар мен отандық зерттеушілердің ғылыми тұжырымдарын талдап, журналистика саласының жаңа атауына түсінік береді. Шетелдік зерттеушілердің және дәстүрлі БАҚ өкілдерінің пікірлерінен үзінділер келтіреді. Сонымен қатар жаңа медианың отандық журналистикадағы көріністерінен мысалдар келтіреді. Азаматтық журналистика элементтерін пайдаланып отырған қазақстандық БАҚ-ты талдайды. Азаматтық және дәстүрлі медиа журналистерінің біріге жұмыс атқарып жатқан жобаларына тоқталады. Азаматтық журналистика өкілдерінің елімізде белсенді әрі қызу жұмыс істеп жатқандығын атап өтеді. 2018-01-01T00:00:00Z http://repository.enu.kz/handle/enu/1514 Ақпараттық технологияларды зерттеудің методологиялық мәселелері Сәуірбаева, Ә.Ж. Ғылыми мақалада бұқаралық ақпарат құралдары ақпараттық жүйені іске асыратын апараттық технология кешені және оны зерттеу методологиясы сипатталады. Бұқаралық ақпарат құралдарындағы ақпараттық технологияны зерттеудің бұрынғы әдістерінің қалыптасуы мен дамуы жүйеленді. Ақпараттық жүйенің құрылымын зерттеу методологиясы ақпараттық технологиямен байланыста қарастырылды. Мобилділік, интерактивтілік, өзара байланыс сияқты медиажүйеге ортақ белгілердің әрқайсысының жеке сипатына қарай зерттеудің әдістері де әртүрлі болуы мүмкін деген тұжырым туады. Ақпараттық технологияны зерттеуде коммуникациялық, саяси, әлеуметтік, психологиялық әдістеріне баса көңіл бөлінді. Олардың зерттеу әдістері қазақ зиялыларының еңбектерінде де кездестіруге болады. Жаңа медиа толқынында ақпарат алу, жинау, өңдеу, тарату және де ақпаратты сақтаудың, журналистік қызметті жедел әрі түрлі жанр технологиясымен конвергенттік журналистикада іске асыратын заманауи техника мен технологияны меңгеруде ғылыми әдістемелердің қажеттілігі туып отыр. 2018-01-01T00:00:00Z http://repository.enu.kz/handle/enu/1513 Қоғам мен коммуникацияның интерактивті үлгісі және виртуалды саясат тұжырымы Есенбекова, Ұ.М. Мақалада жаңа медиалардың қоғамдағы маңызы артып, рөлінің күшеюі қарастырылған. Ғылыми терминологияға жаңа коммуникативтік құралдар немесе жаңа медиа ұғымы XX-ғасырдың соңында енгізіле бастады. Ақпараттық прогрестің әсерімен дәстүрлі медиалармен қатар, қоғамда коммуникацияның интерактивті үлгісі пайда болды. Олардың көмегімен саяси құрылымдар, экономикалық топтар қоғамды өзіне қаратуға тырысады. Электоралды кезеңдерде саяси партиялар өз бағдарламаларын насихаттау үшін әлеуметтік желілерге, жаңа медиа мен Интернетке жүгінеді. Автор мақаласында виртуалды саясат ұғымына талдау жасайды. Нақты саясат пен сананы бұрмалауға арналған технологияларды қолданатын виртуалды саясаттың көріністерін сипаттайды. Виртуалды саясатта қоғам да, халық та нақты саясаттан шеттетіледі. Қоғамдағы виртуалды саясат пен нақты саясат арасындағы айырмашылықты халыққа көрсетіп түсіндіруде саяси күштердің маңызы ерекше. 2018-01-01T00:00:00Z http://repository.enu.kz/handle/enu/1512 Қазақ жеріндегі ашаршылық немесе «ұсақ-түйек қателіктер» мен «елеусіз кемшіліктер» зардаптары Алдабергенов, Қ.М. Еліміздің тарихында қазақ халқының басына қара бұлт болып үйірілген нәубат ХҮІІІ ғасырдағы жоңғар шапқыншылығынан кейінгі осы ХХ ғасырдың 20-30 жылдарындағы халықтың үштен екі бөлігің жалмаған «ашаршылық» болып табылады. Әрине, бұл туралы өз кезінде айтылып, жазылды. Бірақ олардың көпшілігі «халық жауы» ретінде айыпталып, қудаланды. Оған осы оқиғаға байланысты тікелей И.В.Сталинге жазылған «Бесеудің хаты» куә. Сондықтан бұл тақырып тек тәуелсіздікке қол жеткеннен кейін ғана зерттеу нысанына айналып, бұқаралық ақпарат құралдары арқылы жүзеге асуда. Бұл тақырыпқа негізінен жазатын, қалам тартатындар тарихшылар, саясаткерлер, қоғам қайраткерлері, әдебиетшілер мен журналистер болғандықтан оқырман, көрермен, тыңдармандар тарапынан мұндай материалдарға деген сұраныс көп. Ондай шығармаларды қарапайым оқырман ғана емес, мектеп және ЖОО студенттері, магистранттар, докторанттар да іздеп жүріп оқиды десек артық айпағанымыз. Бұдан шығатын қорытынды, келешекте «тарихтың ақтаңдақ мәселелерін» неғұрлым толығынан зерттеп, бір орталықтан басқаратын дәрежеге жетсек, онда қазақ мемлекеттігінің толық тарихын жазуға атсалысар едік. Бүгінгі таңда Елбасы күн тәртібіне қойып отырған «Мәңгілік ел», «Туған жер» бағдарламалары да толығынан орындалар еді. Болашақ ұрпақ елінің тарихынан сусындап, оны мақтан тұтар еді. Бұл дегеніміз біздің өткен тарихымыздан алатынымыз да, үйренеріміз де көп екендігін дәлелдейтін факті. Мақалада ХХ ғасырдың 20-30 жылдарында Қазақстанда болған ашаршылық нәубатының зардаптары мен негізгі себеп-салдарлары ашып көрсетілген. 2018-01-01T00:00:00Z