МЕМЛЕКЕТТІК АУДИТ ОРГАНДАРЫНЫҢ ТӘЖІРИБЕСІНДЕ ҚАРЖЫЛЫҚ ЕСЕПТІЛІК АУДИТІН ЖҮЗЕГЕ АСЫРУДЫҢ ХАЛЫҚАРАЛЫҚ ТӘЖІРИБЕСІ
Аннотации
Бұл мақалада мемлекеттік аудит органдарының тәжірибесінде
қаржылық есептілік аудитін жүзеге асырудың перспективаларын анықтау үшін
халықаралық тәжірибеде қаржылық есептілік аудитін жүзеге асыру
ерекшеліктері қарастырылған. Автор әр түрлі елдердің қаржылық есептілік
аудитін жүргізуіне шолу жасап, еліміздің мемлекеттік аудит органдарының
тәжірибесіне енгізуге болатын ұтымды жақтары анықтады. Әлемнің жекелеген
елдерінің қаржылық есептілік аудитінің жүргізілуін ұйымдастыру мен бақылау
шаралары нысандарына шолу ҚР қаржылық есептілік аудитін тез реформалау
және мемлекеттік қаржылық аудит институтын құру қажеттілігі мен мүмкіндігін
дәлелдейді. Яғни мақалада шет елдердің қаржылық есептілік аудитін ұйымдастырудың озық тәжірибесін зерделеу нәтижесінде бірқатар ерекшеліктер
анықталып, біздің еліміздің мемлекеттік аудит органдарына пайдалы жақтары
анықталды. Қорытындыда Қазақстан Республикасының мемлекеттік аудит
органдары қаржылық есептіліктің аудитін жүргізу кезінде шет мемлекеттердің
жоғары мемлекеттік аудит органдарының озық мүмкіндіктерін қолдана
алатынына тұжырым жасалды.