ЖАСТАРДЫҢ КӘСІБИ ТАҢДАУЛАРЫНЫҢ ГЕНДЕРЛІК ЕРЕКШЕЛІКТЕРІ

Abstract

Кәсби таңдау-бұл жеке мүдделер, қабілеттер, құндылықтар және әлеуметтік-мәдени контекст сияқты әртүрлі факторлармен қалыптасатын күрделі және көп қырлы процесс. Осы факторлардың ішінде маңызды факторлардың бірі – гендер. Өйткені гендер әртүрлі кәсіптермен байланысты мүмкіндіктерге, үміттерге және стереотиптерге әсер етеді. Бұл мақалада ғылыми әдебиеттер мен эмпириялық зерттеулерге сүйене отырып, жастардың мамандық таңдаудағы гендерлік ерекшеліктерін қарастырамыз. Мамандықты таңдауда және кәсіби траекторияны құрастыруда гендерлік сәйкестендіру модельдері мен гендерлік рөлдер тікелей әсер етеді. Теориялық шолу нәтижесінде: гендерлік және кәсіптік стереотиптер; гендерлік және әлеуметтік-экономикалық факторлар; гендерлік ерекшелік түрі мен кәсіби бейімділік арасында байланыс орнатылды.