АТЫРЛЫҚ БОЛМЫС БЕДЕРЛЕРІ (СҰЛТАН БАЙБАРЫСТЫҢ ЕЛДІК ПЕН ЕРЛІК ШЕЖІРЕСІ)

Abstract

Мақалада Қыпшақ династиясының негізін қалаушы Байбарыс сұлтанның өмір-тарихы, күрделі де сындарлы күрес жолы кең түрде сөз етіледі. Әсіресе, Байбарыс батырдың Мысыр сұлтаны ТураншаҺты, Кетбұқа ноянның түмендерін, Хулагу ханның қосындарын біржола тізе бүктіргені, кресшілерге қарсы жорық-шайқастары, мәмлүк билігіндегі қаҺармандық даңқы, елдік Һәм ерлік шежіресі жан-жақты қарастырылады. Мұсылман тарихында ислам дінін насихаттап, бұл бағытта көптеген мешіт-медреселер салып, керуен сарайлар тұрғызған. Зиярат орындарын айқындап, еңселі ескерткіштер қойып, мәмлүк құндылықтарына маңыз береді. Алтын Ордамен дипломатиялық, мәдени-сауда ісін жолға қойып, дәстүр мен дүниетаным, дін мен діл, тарих пен таным арналарының кең өріс алып, жүйелі дамуына өлшеусіз үлес қосуымен де жұрт жадында қалады. Автор, негізінен осы жайттарды дипломат, шығыстанушы-ғалым Қ. Сәкидің «Сұлтан Байбарыс» (2022) кітабы арқылы байытып, жан-жақты зерттеп-зерделейді. Кеше мен бүгін байланысына, білімиғылыми қырларына жіті назар аударады.