ТӘУЕЛСІЗДІКТІҢ АЛҒАШҚЫ ОНЖЫЛДЫҒЫНДА ЖУРНАЛДАРДА ҚОЗҒАЛҒАН ӘЙЕЛДЕР МӘСЕЛЕСІ (

Abstract

Әйелдер мəселесі егемендіктің алғашқы жылдарынан бастап өзекті тақырыптардың біріне айналды. Коммунизмнің құрсауынан енді ғана арылып, ұлттық ерекшілігін қайтаруға тырысқан ел үшін əйел, қыз, ана сияқты қадірлі есімдердің де мəртебесін көтеру маңызды болды. Әйелдерге коммунизмнің белсенді құрылысшысының қамытын кигізіп, қара еңбектің адамы еткен сол жүйенің қалыптасқан айналымын бұзып, қазақы дəстүр бойынша, жаратылысы нəзік əйелді тек жұмысшы тап ретінде емес, ошақ анасы, отбасы ұйытқысы ретінде көрсету үшін де əйел тақырыбы баспасөзде жиі қозғалды. Ал олардың тақырыптық ерекшеліктеріне, мəселені қозғау дəрежесіне баға беру үшін терең зерттеу қажет. Себебі əйел затына қатысты əлеуметтік мəселелер қазіргі күні де жоқ емес. Олардың тарихи мəнін, өрістеу жəне шешілу дəрежесін анықтау мақсатында сол жылдарда жарыққа шығып, бұқараға кеңінен таралған журналдарға зерттеу жасап көрдік.