«ВКонтакте» және «Facebook» әлеуметтік желісіндегі қазақстандық БАҚ: медиа мамандарының тәжірибесі

Abstract

Кейінгі кездегі интернет желісіндегі ең жарқын феномендердің бірі – əлеуметтік желілер мен сайттар. Олар 2003 жылдан бастап ерекше қарқын ала бастады. Жаһан бойынша бірнеше жыл ішінде бұл ресурстар миллиондаған қолданушы үшін ғаламторға кірудің басты тетігі болды. Олардың танымал бола бастауы, ауқымы, сөйлесудің жаңа формалары мен ақпаратты ұсыну ауқымды желі ішіндегі тұлғааралық коммуникацияның процесстерін өзгертіп жіберді. Әлеуметтік желілер кəсіби коммуникация мен БАҚ үшін аса өзекті, ал осы кеңістікте жұмыс істей білу қазіргі журналистер үшін аса қажет. Бүгінде қазақстандық басылымдар мен арналардың əлеуметтік желілердегі парақшаларына тіркелгендердің саны сол «офлайн-нұсқасына» жазылғандар мен «тірідей» тұтынатындардан көп екенін ешқалай жасыра алмаймыз. Ал интернет-БАҚ үшін əлеуметтік желілер өте тиімді. Себебі олар сайттарына кіретіндерің санын арттырумен қамтамасыз етіп береді. Кейбір жағдайларда əлеуметтік желілердегі топтар конвергентті БАҚ-тың құрамдас бөлігі боп бара жатыр. Олардың өзінің аудиториясы мен контенті бар.