Аннотации:
Тиімділік аудиті мемлекеттік шығыстардың ашықтығы мен есептілігін
қамтамасыз етуде, сондай-ақ бюджет қаражатын басқару сапасын арттыруда шешуші рөл
атқарады. Мақалада Шығыс Азия елдеріндегі, оның ішінде Қытай, Жапония, Оңтүстік Кореяны сынды елдердің қаржылық бақылауындағы тиімділік аудитін жүргізудің құқықтық
ерекшеліктері қарастырылады. Әр елдегі тиімділік аудитінің тәжірибесін анықтайтын негізгі
заңнамалық және нормативтік актілер зерттеледі.
Халықаралық стандарттардың Ұлттық аудит жүйелеріне әсеріне ерекше назар
аударылады, сондай-ақ тиімділік аудитін іске асыру кезінде осы мемлекеттердің алдында
тұрған мәселелер мен сын-қатерлер талданады. Экономикалық жағдай, сыбайлас жемқорлық
деңгейі және азаматтық қоғамның қатысу дәрежесі сияқты аудиттің дамуына әсер ететін
факторлар қарастырылады. Бұл зерттеудің нәтижесі Шығыс Азия елдеріндегі тиімділік
аудитін құқықтық реттеудің кешенді шолуы болып табылады.
