АГРОӨНЕРКӘСІПТІК КЕШЕНДЕГІ МЕМЛЕКЕТТІК АУДИТ ЖӘНЕ ОНЫҢ ЕРЕКШЕЛІКТЕРІ

Abstract

Соңғы жылдары агроөнеркәсіптік кешен еліміздің азық-түлік қауіпсіздігін қамтамасыз етуде маңызды рөл атқарып, Қазақстан экономикасының негізгі секторларының біріне айналды. Ауыл шаруашылығын мемлекеттік қолдау шаралары – ауыл шаруашылығы салаларының табыстылығына, өндіріс құрылымы мен көлеміне, агроазық-түлік нарығына және ауылдың әлеуметтік құрылымына әсер ететін кешенді механизм. Негізгі міндет – Қазақстанның ауыл шаруашылығына бөлінген бюджет қаражатының тиімділігін бағалау. Дегенмен, агроөнеркәсіп кешенінің экономикалық үлесі әлі де жеткіліксіз деп есептеледі, бұл макроэкономикалық көрсеткіштер арқылы дәлелденеді. Қазақстанның агроөнеркәсіптік кешенінің қазіргі даму деңгейін бағалау соңғы жылдардағы оң өзгерістерді көрсетеді, бірақ аграрлық сектор әлі де бірқатар тұрақты қиындықтардан толық өтпеген және ұлттық экономиканың табысы төмен сегменттерінің бірі болып қалуда.