Шетел тілін оқыту процессінде аудиовизуалды материалдарды қолдану
Аннотации
Мақала оқу үрдісінде ескі, дәстүрлі әдістерден тыс жаңа, заманауи техникалық
оқыту құралдарын пайдалана отырып оқытылатын инновациялық білім беру жобасын қамтиды.
Бірінші кезекте авторлар қазіргі таңдағы мұғалім мен оқушы позициясын, қажеттіліктерін,
артықшылықтары мен кемшіліктерін анықтайтын болса, кейіннен оқушылардың психикалық
және дидактикалық ерекшеліктерін ескере отырып, көру, есту, сөйлеу дағдыларының интенсивті
дамуына, шетел тіліне және мәдениетіне деген қызығушылығының оянуына оң әсер беру жолын
іздестіреді. Осы салада еңбек еткен ғалымдардың зерттеулеріне сүйене отырып, талдау жасап,
оңтайлы әдісті іріктейді. Және де заман талабына және оқушылардың сұранысына сәйкес келетін
әдіс, бейнематериалдарды пайдалану арқылы жүзеге асатын әдіс түріне аса көп назар аударады.
Аталған әдіс түрінің мақсаттары мен міндеттері және сабақ барасында қолдану ережесі де
талқыланады. Жалпы мақала мақсаты мұғалімді ешқашан заманауи технологиялардың ауыстыра
алмайтындығын, керісінше мұғалім инновациялық технологияларды жетік меңгерсе, керісінше
компьютерді, техниканы ауыстыра алатындығына көз жеткізу болып табылады.