Болашақ мамандарды кәсіби даярлаудағы интеграция мен дифференциацияның рөлі
Аннотации
Үздіксіз кәсіби білім берудің концептуалдық және практикалық деңгейлеріндегі заманауи
мәселелері қоғам өмірінің әлеуметтік, өндірістік-экономикалық, рухани-адамгершілік өзгерістерімен
байланысты қоғамдық дамудың нақты тәжірибелік сұраныстарын көрсетеді. Бүгінгі таңда интеграция
феномені білім беру кеңістігі шеңберінде инновация дәрежесінде жетекші ұстанымға ие. Кәсібипедагогикалық білім интегративтік үрдіс ретінде адамды нақты мамандық бойынша іс-әрекетке дайындауды,
ал нәтиже ретінде – бұл кәсіптік білім, білік, дағдылар мен тәжірибенің дербес интегративтік жүйесін
қамтамасыз етеді. Педагогикалық теория мен практиканы талдау негізінде білім интеграциясының мәні
белгілі бір гносеологиялық тұтастықты қалыптастыру үрдісі және нәтижесі ретінде анықталуы мүмкін,
ол синтезделген компоненттердің өзара әрекеттесуініңтиімді өсуін, олардың өзара байланысы мен өзара
тәуелділігінің күшеюін, салыстырмалы тұрғыда олардың дербестігінің төмендеуін ашып көрсетеді. Бұған
білімнің өзара кірігуі, тереңдетілуі, бірегейленуі жолымен қарама-қарсы бөлшектену, ажыратылу, саралану
үрдістерінің бірлігінде қол жеткізуге болады. Өзінің мәні бойынша интегративті болып саналатын кәсібипедагогикалық білім беру жүйесінде педагогикалық, психологиялық және арнайы білімді, білікті меңгеруге
және жинақтауға қабілетті интегративті біртұтас маманды дайындау жүзеге асырылады.