Аннотации:
Кез келген мәдениетті белгілі бір тілдік бірліктер тізімі көмегімен
сипаттауға болады. Монографиялық еңбекте мұндай тілдік бірліктер мәдениетті
сипаттаудың құралы ретінде қарастырылып, «түйін сөздер» деп аталды. Олардың
универсалды және мәдени нышанды тілдік бірліктер деген екі тобы ажыратылды.
Осындай тілдік бірліктерді анықтаудың әдіснамасы ретінде семантикалық және
дәйектемелік талдау, сонымен қатар, статистикалық әдіс ретінде Ципф заңын
қолдану ұсынылады.
Монографияны жоғары оқу орындарында мәдениетаралық қарым-қатынас
(коммуникация), лингвомәдениеттану, этнолингвистика, бизнес дискурсы,
дәйектеме теориясы және т.б. пәндерді оқыту үдерісінде, сондай-ақ қосымша оқу
құралы ретінде қолдануға болады. Кітап аудармашыларға, тіл мамандарына,
сонымен қатар, ғылыми қызметкерлерге, жоғары оқу орындарының
оқытушылары мен тіл білімі, аударма ісі мамандықтарында оқитын білім
алушыларға арналған.
