Қазақстан спелеонимдері

Abstract

Бұл монографияда қазақ халқының кеңістікті игеру тәжірибесінің үңгір атауларында көрініс табуы жан-жақты талданады. Зерттеу барысында спелеонимдердің тарихи географиялық, геоэкологиялық негіздері, олардың кеңістіктік таралу заңдылықтары және табиғи орта мен атау жүйесінің өзара байланысы Қазақстан аумағындағы нақты эмпирикалық материалдар негізінде сараланды. Спелеонимдердің қалыптасу ерекшеліктері мен ақпараттық жүктемесі, сондай-ақ табиғатты қорғау мен табиғи ресурстарды ұтымды пайдалануға қатысты дәстүрлердің географиялық жағдайларда бейнеленуі мәселелері лингвистикалық, этноэкологиялық және физикалық-географиялық тұрғыда кешенді түрде қарастырылған. Монография география, экология, тарих, туризм және тіл білімі салаларында еңбек ететін ғылыми қызметкерлерге, сондай-ақ осы бағыттар бойынша білім алып жатқан жоғары оқу орындарының білім алушыларына, магистранттар мен докторанттарға, ізденушілерге және кең аудиторияға арналған. Еңбек теориялық және қолданбалы маңыздылығы жағынан ономастика, геоэкология, табиғи мұраларды сақтау, аймақтық туризмді дамыту мәселелерімен айналысатын мамандар үшін құнды ғылыми дереккөз болып табылады.