АГРОӨНЕРКӘСІПТІК КЕШЕНГЕ БӨЛІНГЕН БЮДЖЕТ ҚАРАЖАТЫН ПАЙДАЛАНУДЫҢ ТИІМДІЛІК АУДИТІ
Аннотации
Агроөнеркәсіптік кешен (АӨК) – көптеген құрылымдық
элементтерді қамтитын күрделі әлеуметтік-экономикалық жүйе бола отырып,
мемлекеттің азық-түліктік қауіпсіздігін қамтамасыз етуші стратегиялық бағыты
болып табылады. АӨК тұрақты дамуы азық-түлік қауіпсіздігін қамтамасыз етуге,
ауыл шаруашылығындағы еңбек өнімділігін арттыруға және ауылдық
аймақтардың әлеуметтік-экономикалық жағдайын жақсартуға ықпал етеді. Осы мақсатта мемлекет АӨК-ті қолдау үшін жыл сайын қомақты бюджет қаражатын
бөледі. Алайда бөлінген қаражаттың тиімді және мақсатты пайдаланылуын
қамтамасыз ету үшін тиісті аудиттік бақылау жүргізу қажет. Аталған
мәселелерді шешу мемлекеттік бюджет қаражатының көмегімен іске
асырылатыны, яғни оны өз кезегінде тиімді және мақсатқа сәйкес жұмсалуына
баға беруге мүмкіндік беретін, соның ішінде АӨК дамытуға бағытталған бюджет
қаражатын пайдалану тиімділігі аудитін ұйымдастыру және өткізу тәртібін,
рәсімдерін жетілдіру қажеттігін көрсетеді.