БІЛІМ АЛУШЫЛАРДЫҢ АУТОАГРЕССИВТІ МІНЕЗ-ҚҰЛҚЫН ЗЕРТТЕУДІҢ ТЕОРИЯЛЫҚ - ӘДІСНАМАЛЫҚ НЕГІЗДЕРІ

Abstract

Қазіргі заманғы әлеуметтік-экономикалық және психологиялық өзгерістер жағдайында жастар арасында аутоагрессивті мінез-құлықтың алаңдатарлық өсуі байқалады, бұл осы зерттеудің өзектілігін көрсетеді. Мақалада студенттердің аутоагрессивті мінезқұлқының дамуына әсер ететін теориялық және әдістемелік негіздері мен факторлары қарастырылып, сонымен қатар оқу-тәрбие үрдісіне бейімделу кезеңінде аутоагрессияның психологиялық алдын алу моделі ұсынылған. Аутоагрессияның қалыптасуына әртүрлі тұлғалық және әлеуметтік-мәдени факторлардың әсері талданады, оның ішінде жасқа байланысты дағдарыстар, әлеуметтік бейімделу қиындықтары және білім беру және әлеуметтік күтулерден туындаған стресстің жоғары деңгейі. Студенттер арасында деструктивті көріністердің қаупін азайтуға бағытталған алдын алу шараларының тиімділігін ғылыми негіздеуге басты назар аударылады.