ҚАЗАҚСТАНДАҒЫ АУЫЛ ШАРУАШЫЛЫҒЫНДАҒЫ СУДЫ ҮНЕМДЕУДІҢ БАҚ-ТАҒЫ КӨРІНІСІ

Abstract

Бұл мақалада Қазақстандағы ауыл шаруашылығы саласында су ресурстарын ұтымды пайдаланудың маңыздылығы мен қазіргі таңдағы өзекті мәселелері бұқаралық ақпарат құралдарында қаншалықты көрініс тауып жатқаны талданады. Автор суды үнемдеудің заманауи әдістерін қоғамдық назарға ұсынып, аграрлық саладағы жаңа технологиялардың шаруаларға ақпараттық-сараптамалық мақалада, телеарна бағдарламаларында түсіндіру қажеттілігіне баса назар аударады. Зерттеу жұмысында сайтта жарияланған жерді мелиорациялау кезінде өнім сапасына және көлеміне тікелей әсер ететін тамшылатып, жаңбырлатып суаруға арналған мақалаларды талдап, мазмұнына дөп келетін телеарнада көрсетілген сюжетті қарастырады. Тіпті осы бағыттағы онлайн платформада жарияланған мақаланың жазу стилін сынап, төте жолын көрсетеді. Ал автор жаңбыр суын пайдалану, smart суару, гидрологиялық мониторинг жүйесіндегі жаңа технологияларды қолданудың ерекшелігін БАҚ-тағы көрінісін магистрлік диссертациясында түбегейлі ашып қарастыратын болады. Журналистиканың ауыл шаруашылығындағы су тапшылығы мәселесін шешудегі коммуникативтік құралы ретіндегі орны мен мүмкіндіктеріне тоқталады. Ғылыми жаңалық ретінде журналистердің осы салаға жауапты мамандармен бірлесіп, қоғамдық санаға әсер етуге болатынын ұсынады.