ХИМИЯ САБАҒЫНДА ОҚУШЫЛАРДЫҢ БЕЛСЕНДІЛІГІН АРТТЫРУДАҒЫ МОДУЛЬДІК ОҚЫТУДЫҢ РӨЛІ

Abstract

Қай ұлттың болмасын, бәсекелестік қабілеті бірінші кезекте оның білімділік деңгейімен анықталады. Қазақстан Республикасының «Білім туралы» Заңында «Білім беру жүйесінің басты мақсаты - ұлттық және жалпы адамзаттық мәдени құндылықтар негізінде жеке тұлғаның қалыптасуына қажетті жағдай жасау», - деп айқын көрсетілген. Осы міндеттерді шешу, негізінен, мұғалімнің идеялық сенімділігіне, кәсіби шеберлігіне байланысты. Біз инновациялық оқуды тәжірибемізге енгізіп, ойлау қабілеті дамыған, өз бетінше шешім қабылдай білетін білімді ұрпақты даярлауымыз керек.Бұл мақалада химия сабағында оқушылардың белсенділігін арттыруда модульдік оқытудың рөлі қарастырылады. Модульдік оқыту – оқушылардың өз бетінше жұмыс жасау дағдыларын қалыптастырып, шығармашылық қабілеттерін дамытуға ықпал ететін тиімді әдістердің бірі. Зерттеу барысында модульдік оқытудың негізгі қағидалары мен оны химия сабақтарына енгізудің артықшылықтары талданады. Сонымен қатар, оқушылардың пәнге деген қызығушылығын арттыру және білім сапасын жақсарту мақсатында модульдік оқытудың қолдану ерекшеліктері сипатталады. Бұл әдістің артықшылықтары ретінде оқытудың жүйелілігі, өзіндік оқу әрекетін ынталандыру және оқушылардың танымдық белсенділігін арттыру мәселелері қарастырылады. Сондай-ақ, заманауи білім беру технологияларының бірі ретінде модульдік оқыту әдісін қолдану тәжірибелері мен оның тиімділігі нақты мысалдар негізінде көрсетіледі. Осылайша, бұл мақала химия пәнін оқыту үдерісін жетілдіруде модульдік оқытудың маңыздылығын ғылыми тұрғыдан негіздейді.