Виртуалды шындық технологиясын орта мектептің білім беру үрдісінде қолдану

Abstract

Виртуалды шындық технологиялары белсенді дамып, адам өмірінің әртүрлі салаларына ендірілуде. Мақалада қазір қарқынды дамып келе жатқан виртуалды шындық технологиясын білім беру саласында қолданудың өзекті мәселелері қарастырылған. Авторлар осы тақырып бойынша жазылған ғылыми-зерттеу жұмыстарына шолу жасаған және шетелдердің виртуалды шындықты енгізу тәжірибесін зерделеген.Атап айтқанда, виртуалды шындықты шет тілдерді меңгеруде, оқушылардың оқуға зейін аударуы мен қызығушылығын ояту құралы ретінде, оқу материалын визуализациялауда, қашықтан білім беруде қолдану бойынша жүргізілген зерттеулер қарастырылды. Сонымен қатар шет елдерде виртуалды шындық технологиясын пайдалана отырып білім беру саласындағы стартаптарға талдау жасалды. Зерттеу барысында виртуалды ортаны әзірлеуге мүмкіндік беретін Unity, CryEngine, Amazon Sumerian, React 360, Simmetri сияқты платформаларға сипаттама берілді.Басқаша айтқанда, зерттеу әдіснамасы осы тақырып бойынша әдеби шолуға негізделген. Нәтижесінде осы технологияны еліміздің орта білім беру жүйесіне енгізу бойынша ұсыныстар тұжырымдалады.Соның нәтижесінде бұл инновациялық жаңалықты білім беру саласына енгізудің тиімділігі, қолдану барысында кездесетін қиындықтар туралы тұжырымдар берілді.Сонымен қатар, виртуалды шындықтың білім жүйесіне әлі толық енбегені, көп жағдайда жекелеген білім ошақтарында эксперимент түріндеқолданылып отырғаны айқындалды.