ХАЛЫҚАРАЛЫҚ КӨЛІК ДӘЛІЗДЕРІНДЕ КОНТЕЙНЕРЛІК ТАСЫМАЛДАРДЫ ҰЙЫМДАСТЫРУДЫҢ ИННОВАЦИЯЛЫҚ ТӘСІЛДЕРІ

Abstract

Бұл мақалада халықаралық көлік дәліздері шеңберінде контейнерлік тасымалдарды ұйымдастырудың инновациялық тәсілдері мен олардың экономикалық тиімділігі қарастырылады. Зерттеу жұмысы Еуропа мен Азия арасындағы негізгі буын — Транскаспий халықаралық көлік бағытының (ТХКБ) даму ерекшеліктерін, соның ішінде Ақтау теңіз портының стратегиялық рөлін талдауға негізделген. Мақалада порт қызметінің 2023-2025 жылдарға арналған қаржылық көрсеткіштеріне, соның ішінде жүк тиеу-түсіру және кемелерге қызмет көрсетуден түсетін табыстардың өсу динамикасына ерекше назар аударылған. Сонымен қатар, тасымал процестерін оңтайландырудағы Digital Trade Corridor (DTC) платформасы сияқты цифрлық экожүйелерді енгізудің маңыздылығы негізделген. Зерттеу барысында логистикалық операцияларды автоматтандыру, «бір терезе» қағидатын іске асыру және нақты уақыт режимінде жүкті қадағалау (Track & Trace) жүйелерінің порттың өткізу қабілетіне әсері талданды. Нәтижесінде, инфрақұрылымдық жаңғырту мен цифрлық трансформацияның синергиясы халықаралық көлік дәліздерінің бәсекеге қабілеттілігін арттырып, транзиттік әлеуетті 60%-дан астамға өсіруге мүмкіндік беретіні анықталды. Зерттеу нәтижелері Орта дәліз бойындағы көліклогистикалық хабтарды дамыту стратегияларын әзірлеу үшін қолданылуы мүмкін.