ҚАЛАЛЫҚ ЖӘНЕ ХАЛЫҚАРАЛЫҚ КӨЛІК ЖҮЙЕЛЕРІН ДАМЫТУ КОНТЕКСТІНДЕ FMCG КОМПАНИЯЛАРЫНЫҢ ЛОГИСТИКАЛЫҚ ПРОЦЕСТЕРІН ИНТЕГРАЦИЯЛАУ
Аннотации
Бұл мақалада Қазақстанның ірі қалалары (Астана және Алматы) мысалында
FMCG-компаниялардың логистикалық процестерін жетілдіру мәселелері қарастырылады.
Зерттеу барысында қалалық агломерациялар жағдайындағы көлік-логистикалық жүйелердің
даму ерекшеліктері, материалдық және ақпараттық ағындардың өзара байланысы, сондай-ақ
логистикалық инфрақұрылымның қазіргі жағдайы талданды. Жұмыста логистикалық
процестердің тиімділігіне әсер ететін негізгі факторлар анықталып, олардың ішінде көлік
жүйесінің жүктемесі, экологиялық мәселелер, урбанизация деңгейі және сұраныстың
өзгермелілігі ерекше атап өтілді. Сонымен қатар, логистикалық жүйелердің тиімділігін арттыру
мақсатында ақпараттық технологияларды қолдану, цифрландыру және интеграцияланған
басқару тәсілдерінің маңыздылығы негізделді. Зерттеу нәтижесінде FMCG-компаниялар үшін
логистикалық процестерді оңтайландырудың теориялық және практикалық ұсыныстары
әзірленді. Ұсынылған тәсілдер жеткізілім жылдамдығын арттыруға, шығындарды азайтуға және
қызмет көрсету сапасын жақсартуға мүмкіндік береді.