ДЕНЕ ШЫНЫҚТЫРУ ЖƏНЕ СПОРТ МАМАНДЫҒЫНДА БІЛІМ АЛАТЫН СТУДЕНТТЕРДІ ИНКЛЮЗИВТІ БІЛІМ БЕРУГЕ ДАЙЫНДАУ МƏСЕЛЕЛЕРІ
Аннотации
Бұл мақалада дене шынықтыру жəне спорт мамандығында білім алған, тірек-қимыл
аппараты (ТҚАБ) бұзылған 8 студенттің қатысуымен жүргізілген жұмыстар негізге алынып, болашақ дене
шынықтыру мамандарын инклюзивті білім беру жағдайына кəсіби даярлау мəселелері қарастырылады. Зерттеу
барысында зерделенген бейімделген дене шынықтыру (БДШ) жаттығуларының студенттердің физикалық жəне
психоэмоционалдық күйіне əсері көрсетіледі.
Мақаланың практикалық құндылығы – ТҚАБ студенттеріне арналған нақты əдістемелік ұсыныстар мен
олардың даму динамикасын айқындайтын көрсеткіштер. Инклюзивті білім берудің қазіргі білім беру
жүйесіндегі маңызы айқындалып, дене шынықтыру пəнінің ерекше білім беруді қажет ететін оқушылардың
физикалық, əлеуметтік жəне тұлғалық дамуына əсері талданады. Болашақ мамандарды даярлаудың теориялық,
əдістемелік жəне практикалық бағыттары жүйеленіп, инклюзивті ортада тиімді жұмыс істеуге қажетті кəсіби
құзыреттіліктер сипатталады.