ХИМИЯНЫ ОҚЫТУДА ОҚУШЫЛАРДЫҢ ФУНКЦИОНАЛДЫҚ САУАТТЫЛЫҒЫН ҚАЛЫПТАСТЫРУДЫҢ ҒЫЛЫМИ-ПЕДАГОГИКАЛЫҚ НЕГІЗДЕРІ

Abstract

Бұл мақалада білім беру үдерісінде функционалдық сауаттылықты қалыптастырудың теориялық негіздері мен мазмұндық ерекшеліктері қарастырылады. Функционалдық сауаттылық білім алушының меңгерген білімін өмірлік жағдаяттарда тиімді қолдана алу қабілеті ретінде сипатталып, оның құрылымдық компоненттері мен негізгі бағыттары айқындалады. Оқу, математикалық, жаратылыстануғылыми сауаттылықтармен қатар, қаржылық сауаттылық, креативті ойлау жəне жаһандық құзыреттердің маңызы ашып көрсетіледі. Мақалада функционалдық сауаттылықты қалыптастырудағы құзыреттілікке негізделген тəсілдің рөлі, мұғалімнің кəсіби шеберлігі мен заманауи педагогикалық технологияларды қолданудың тиімділігі талданады. Химия пəнінің функционалдық сауаттылықты дамытудағы əлеуеті, əсіресе химиялық эксперимент, жобалау əдісі, проблемалық оқыту, ойын технологиялары жəне ситуациялық есептерді қолдану арқылы жүзеге асатыны негізделеді. Сонымен қатар, функционалдық сауаттылықты бағалау критерийлері мен жаратылыстану-ғылыми сауаттылықты анықтауға бағытталған тапсырмалар жүйесінің ерекшеліктері сипатталады. Зерттеу нəтижелері химия сабағында өмірмен байланысты тапсырмалар жүйесін қолдану білім алушылардың танымдық белсенділігін арттырып, ғылыми дүниетанымын қалыптастыруға жəне əлеуметтік бейімделуіне ықпал ететінін көрсетеді.